Mae'r sefyllfa yn Wcráin yn peri tristwch mawr i ni ac rydym yn meddwl am bobl Wcráin. Mae cyfanswm ein cysylltiad â Buddsoddiadau Rwsiaidd yn fach iawn ac yn llai…
Croeso i Gronfa Bensiwn Caerdydd a Bro Morgannwg
Mae Cronfa Bensiwn Caerdydd a Bro Morgannwg yn rhan o’r Cynllun Pensiwn Llywodraeth Leol cenedlaethol. Gall staff Cyngor Dinas Caerdydd, Cyngor Bro Morgannwg, Prifysgol Fetropolitan Caerdydd, Coleg Caerdydd a’r Fro a nifer o gyrff gwasanaethau cyhoeddus eraill nad ydynt yn addysgu ymaelodi.
Gweinyddir y Gronfa gan Adran Bensiynau Cyngor Dinas Caerdydd.
Oherwydd yr achosion diweddar o COVID-19, mae’r Adran Bensiynau wedi gorfod addasu eu patrymau gwaith er mwyn sicrhau parhad y gwasanaeth i aelodau’r cynllun a Chyflogwyr y Gronfa sy’n cymryd rhan ynddi.
O ganlyniad, efallai y bydd oedi wrth ymateb i’ch ceisiadau wrth i ni flaenoriaethu ein gwaith achos. Gwerthfawrogir eich dealltwriaeth yn ystod y cyfnod hwn yn fawr. Y ffordd orau o gyfathrebu â ni ar hyn o bryd yw yn electronig. Ein cyfeiriad e-bost yw pensiynau@caerdydd.gov.uk Byddwn yn ymateb mor gyflym ag y gallwn.
Ar hyn o bryd, os bydd angen i chi anfon unrhyw ddogfennau neu ffurflenni atom, byddwn yn derbyn copïau wedi’u sganio neu ffotograffau. Gellir anfon dogfennau atom drwy e-bost fel atodiad.
Mae Cronfa Bensiwn Caerdydd a Bro Morgannwg hefyd yn cynnal ei gwefan ei hun www.cardiffandvalepensionfund.org.uk/lle gallwch gael gwybodaeth am y Cynllun Pensiwn Llywodraeth Leol, Cronfa Bensiwn Caerdydd a Bro Morgannwg a lle gallwch lawrlwytho ffurflenni. Hefyd, mae gwefan genedlaethol aelodau’r Cynllun Pensiwn Llywodraeth Leol ar gael yma www.lgpsmember.org lle gallwch gyrchu gwahanol gyfrifianellau a ffurflenni. Efallai y bydd yr adnoddau hyn yn rhoi’r ateb yr ydych yn chwilio amdano, felly cofiwch eu defnyddio.
Mae nifer cyfyngedig o staff yn y Swyddfa ar y rhan fwyaf o ddyddiau ac efallai y bydd yn rhaid i ni weithio oriau gwaith llai. Os bydd angen i chi ffonio ni ein rhif ffôn yw 029 2087 2334 ac efallai y gofynnir i chi adael neges. Os yw eich cais yn un brys, byddwn yn ymateb cyn gynted ag y gallwn i’ch helpu gyda’ch ymholiadau.